Pulau Bangka

Sinmung ape Simung?

Karene nek makan es campur Bangka. Siang tadi ku gi Tomang makan es campur Bangka. Yang jual e asuk-asuk ki aji-aji – liong kung pho. Selain jual es campur asuk ki aji toh ge jual empek-empek ki otak-otak Bangka, ade jual empek-empek telo ge. Cha em to lah wo. Tempet jual e sih kecit, paling ukuran e 2×3 meter. Tapi yang makan e ge cha em to ramai e. Jadi lapar malem-malem ngumung makan :D.

Lah sude makan da lupa bayar. Karene same-same urang Bangka lah lame sebener e ku nek minta diskon hehe.. kongsiau dikit nih.
Pas ngambi cau e. Asuk toh ngumong “sinmung”. Sebener e ku da jelas asuk toh ngumung sinmung ape simung. Ku ge lah lame mikir. Sebener e sinmung ape simung ge, terima kasih bahasa Bangka e?

Ku sih ngumung e simung tapi ade ge dan ku ge suah denger urang ngumung sinmung. Mane yang bener sinmung ape sinmung?

Sebener e da penting mane yang bener. Ku anye pengen cerita bai. Sedak-dak e bahasa Bangka agik kene pakai walaupun kite tengah di luar pulau Bangka.
Teringet ki kawan ku yang jauh di Yunani sanin. Je di sanin agik ngumung Bangka da ok?

Advertisements

July 18, 2008 Posted by | Cerita | , , , | 4 Comments

Selamat Datang

Selamat Datang di Pulang Bangka Blog. Lah lame ku nek bikin blog tentang Bangka. Tentang urang-urang e, tentang budaya e, tentang tempet yang seger di Bangka, atau tentang Sandra Dewi :D.

Blog nih masih baru, moderator e agik belajar bikin blog. Sorry kalo blog nih lum lengkep. Tapi ku yakin blog nih akan menarik kelah e……

July 5, 2008 Posted by | News | , | 2 Comments